ده من التأملات الاعجازية اللي عملتها في حياتي

انهارده هتكلم عن البطاقة الائتمانية (مش المدينة) وهل هي مفيدة والا لأ وازاي اطلع من الموضوع المغري ده كسبان

اولا متطلعش كريدت كارد (مش ديبيت كارد بتاع المرتب)

انت هتطلع كارت فوري الاصفر ده بتشتري الحاجة وقبل ما تشتريها بتخش على الابليكشن تختار مدة التقسيط

طب وبعدين .. لو فرضنا انك عندك التزام بمبلغ معين .. هتسده بكارتك الاصفر وبعدين انصحك تكون مختار المدة ست شهور

هتلاقي القسط بتاعك كلام فارغ هيديك فليكسابيلتي تشتري حاجات اكتر وهتكون سديت التزامك ومعاك فلوس حاضرة تكمل بيها شرا اللي انت عايزه

وعندك برضه فرصة انك تقسط حاجات اكتر

وفي نفس الوقت محافظ على الدين من الزيادة .. وملتزم بقسط شهري مش بيزيد

كل المطلوب منك تحديد الالتزام ده هتقسطه والا تدفعه كاش

بالتأملاية دي دخلك هيكون مجرد رقم بتحدد بيه هتقسط والا تشتري كاش

وتعرف بيه المستوى اللي هتعيش فيه

لكن زنقة وكلام من ده .. وداعا

لو مستحرم التقسيط بفايدة فيه بنوك بتعمل خدمات التقسيط من غير فوايد .. عشان تجذبك تفتح حساب عندها