تليق على محمد منير

كان عندي ساعتها عشرين
وعرفت القهوة منين
كات حضن كبير فيه أمان
ترتاح فيه لو تعبان

فيها تقابل أصحابك
يقولولك إيه أخبارك
مهما كات الأحوال
بيكون جواك في أمال

وماكنتش عارف في القهوة
السر ولا في الصحبة
ولا الأيام
كانت شايلة الاحلام

عدى عشر سنين
فضل واحد ولا إتنين
على نفس القهوة قاعدين
لكننا مش مرتاحين

السر طلع في الخبرة
الدنيا في عيني كات سهلة
بس الايام
طلعت شايلة الالام