تليق على علي الحجار ومحمد الحلو وهاني شاكر ومحمد منير وعمرو دياب ومحمد فؤاد وهشام عباس ومدحت صالح وايهاب توفيق

بلدي يا بلد الكلمة
والإحساس والمكان
إن غبت عنك ثانية
يتوقف الزمان

بلدي أمي وأبويا
وناس خايفين عليا
كبرت بين اديهم
لو ماتوا لسه فيا

بلدي يعني جدودي
وكلامهم اللي سابوه
في وشوش أهلي ومعارفي
وجيلنا علموه

لسه فيا الملامح
لسه فيا العلام
خبرة سنين وسنين
وصلتني في الكلام

فالبلد دي كبرنا
وعشنا ايام جميلة
ولما بنفتكرها
بنسرح سرحة طويلة

بندوب في هواها دوب
وعلينا قدر مكتوب
لما نلف في شوارعك
تتنفس القلوب

فرحان بـحضن الشارع
والبيت والامان
وأما تشوف حبايبك
يعز فراق المكان