كنا عيلة عيلة واحدة
كنا أحفاد كتير وجدة
كنا نيجي كل جمعة
عندها نلعب هناك
مرة نلعب استغماية
مرة تحكيلنا حكاية
نروح بيوتنا فالنهاية
وإنت برضه اخوك معاك
لما كبرنا شوية
بقينا نيجي كل صيف
نتجمع هناك ونلعب
بلاي استشن عالرصيف
كبرنا أكتر وفي الجامعة
بقينا نيجي لو في مناسبة
والسنين بتجيب سنين
وكلنا مش حاسين
و أما كبرنا واشتغلنا
اللي هاجر وساب بلدنا
واللي اتجوز خلاص وسبنا
وبقينا نيجي في السنة مرة
نفتكر أيام جميلة
نحكي على حكاية طويلة
والايام بتعدي بينا
وذكريات تجيب ذكريات

اترك تعليقاً